S’Amuser susesu sai kampiaun iha terseira edisaun Taxa Rosa Muki Bonaparte 2022, hafoin fó derrota AD.SLB ho golu 3 -1.
S’Amuser alkansa sira-nia mehi kampiaun iha terseira edisaun Taxa RMB, hafoin lakon oportunidade iha segunda edisaun tinan 2021 bainhira derrota hasoru AD. SLB ho golu 4-3. Maibé S’Amuser hasoru filafali nia adversáriu no susesu iha jogu final Taxa RMB terseira edisaun.
Iha edisaun ida-ne’e S’Amuser hatudu duni kapasidade nu’udar ekipa ne’ebé merese ba kampiaun. Mehi AD. SLB nian ba kampiaun daruak adia ba ediasaun tuir mai. AD.SLB nu’udar ekipa kampiaun iha segunda edisaun, ne’ebé mós hakarak manan títulu daruak, maibé ekipa ne’ebé hela segundu lugar tanba derrota hasoru S’Amuser iha final, loron 10 Dezembru 2022, iha kampu demokrasia, Dili.
Taxa RMB nu’udar Supertaxa ba Futebol Femininu iha Timor-Leste, ne’ebé organiza husi Federasaun Futebol Timor-Leste dezde tinan 2020. Iha primeira edisaun manan husi Buibere FC, joga hasoru AD SLB iha estádiu Munisipál Dili iha 20 Dezembru 2020. Jogu finál ne’e konklui ho golu úniku 0 -1.
Klube hamutuk 11 mak klasifika automatikamente nu’udar ekipa partisipante ba supertaxa futebol femininu timorense husi Liga Feto Timor iha tinan 2020. Ekipa sira ne’e kompostu klube lima husi primeira divizaun no neen husi segunda divizaun.
Primeira Divizaun : Buibere FC, AD.SLB, Maranatha FC, S’Amuser FC, no Academica FC.
Segunda Divizaun: As Baucau, Maudoko FC, Maudoko FC, Nain Feto FC, São Jose FC, Unital FC no VDL FC.
