Ho honra boot, liu husi Komite Independente hanesan Komité Eleitorál, Komité Étika e Disiplinar, Komité Auditoria e Konformidade no Komité Rekursu iha Federação Futebol Timor-Leste fó anunsiu ofisiál ba rezultadu hosi prosesu selesaun kandidatura ba kargu Prezidente FFTL no Membru Ezekutivu FFTL.
Komité Independente eleito liu husi Kongressu Extraordináriu iha loron 26 fulan Outubru tinan 2024.
Depois de Komité hat (4) eleitu, Komité Eleitoral kontinua kedas ejerse nia kna’ar, ba faze preparasaun kongressu ne’ebé sei realiza iha loron 11 fulan janeiru tinan 2025.
Hatetuk ba Estatutu FFTL no Kodigu Eleitoral edisaun 2024, Komité Eleitoral Notifika ba Membru Assosiasaun sira iha loron 13 Novembru 2024 (Estatuto FFTL Art. 32.2), hodi bele submete kandidatura potensia ba vaga Prezidente FFTL no Membru Ezekutivu nain 1. Data limite kandidatura nian iha loron 28 Novembru 2024, 24:00/00:00 OTL (Codigo Eleitoral FFTL, Art. 9.2).
Iha tan prazu loron lima (5) nia laran hahu husi prazu submete formulario kandidatura – 29 de Novembro – 03 de Desembro 2024 (Codigo Eleitoral FFTL, Art. 9.3), kuando kandidatura nia dokumentus relevantes seidauk kompletu bele kompleta dokumentus tuir prazu ne’ebé determina. Komité Eleitoral fo tan loron tolu (3) ba kandidatura sira atu kompleta sira nia aplikasaun, iha prosesu aplikasauan ne’e, depois de verifikasaun, iha duni kandidatura ida mak nia dokumentus hanesan Planu no Programa submete ikus hodi kompleta haktuir rekejitus ne’ebé iha.
Haktuir ba Anexo A nú 6) hatete katak kandidatura sira kuando passa liu husi verifikasaun integridade ne’ebé realiza husi Komité Auditoria e Konformidade no Komité Étika e Disiplinar molok selesionadu, Komité Eleitoral entrega dokumentus kandidaturas nain hat (4), kandidatu Prezidente nain rua (2) no Kandidatu Membru Ezekutivu nain rua (2), depois komité rua halo verifikasaun de integridade entrega hias ba Komité Eleitoral halo Validasaun ikus iha loron 10 fulan dezembru tinan 2024, no loron ohin Komité Independente hamutuk Pronunsia rezultadu kandidatura sira nian ba Públiku.
Prosesu verifikasaun ida ne’ebé rigorozu tebes no transparente hodi hala’o tuir deit ba regulamentu ne’ebé estipula ona iha Kódigu Eleitoral no Estatuto FFTL, kandidatura hamutuk ema nain hat (4) hanesan temi ona, Komité Independente pronunsiu rezultadu naran kandidatura sira ne’ebé elejivel mak hanesan tuir mai:
A. Kandidatura ba Prezidente FFTL mandatu restante 2022-2026 mak hanesan:
1. Sr. Nilton Telmo Gusmão dos Santos, Kandidatu Potensial ba Prezidente FFTL
2. Sr. Estanislau António Baptista, Kandidatu Potensial ba Prezidente FFTL
B. Kandidatura ba Membru Ezekutivu FFTL mandatu restante 2022-2026 mak hanesan:
1. Sr. Domingos dos Santos Caero, Kandidatu Potencia ba Membro Ezekutivo FFTL
2. Sr. Augusto Henriques, Kandidatu Potencia ba Membro Ezekutivo FFTL
Ami hakarak parabeniza ba kandidatu hotu-hotu ba esforsu hodi bele kompete no iha vontade dedikasaun ne’ebé hatudu iha prosesu ida-ne’e. Ami hakarak fó haksolok katak sira ne’ebé sei eleitu iha Kongressu Ordinariu mai, iha kompromisu no vizionariu atu lidera Federação Futebol de Timor-Leste ba futuru ne’ebé bo’ot ho progresu no susesu iha dezenvolvimentu futebol iha Timor-Leste.
Tanba ne’e, ami agradese ho sincero ba Públiku liu-liu amante futebol, Asosiasaun, Federasaun no klube sira ne’ebé iha fiar mai Komité Independente, atu hala’o prosesu ida-ne’e ho Independentemente, ho integridade no justa.
Molok to’o Kongressu Ordináriu, Komité Independente sira sei Notifika Kandidatura potensial sira hodi prepara an molok Kongressu realiza.
Hanesan foin-rona, Komité Independente reafirma ami-nia kompromisu atu promove demokratizasaun no kontribui futebol hanesan meiu ba unifikasaun, dezenvolvimentu no orgullu nasionál. Hamutuk, ami sei kontinua atu fortalese desportu ida-ne’e no inspira jerasaun sira ne’ebé mai.
Obrigadu barak ba atensaun hotu-hotu, no ami fó oportunidade ba media komunikasaun atu husu pergunta sira.
Bravo Desportiva
Díli, 12 de Dezembru de 2024
Dr. Reinaldo F. Luis, Lic, Dir., MD
Prezidente Komite Eleitoral
