Loron 20 Janeiru 2024, Asosiasaun Arbitrajen Futebol Timor-Leste(AAFTL) susessu konvoka kongressu ba da-II iha Salaun Enkontru Xanana Sport Centre FFTL husi 8:30 dader to’o 5:00 lorokraik.
Kongressu refere nia ajenda mak hanesan:
- Roll Call;
- Diskursu husi Asosiasaun Arbitrajen Sesante, Sr. Vital Bere Saldanha hanesan Sekretariu Jeral Assosiasaun Arbitrajen Futebol Timor-Leste(AAFTL);
- Lian Makloke husi Sekretariu Jeral FFTL, Sr. Gregorio Correia no iha tempu hanesan deklara katak kongressu da-II ofisialmente loke;
- Aprovasaun Ajenda Kongressu;
- Eleisaun ba Meza Assembleia;
- Entrega Ata husi Estrutura AAFTL Tuan ba Meza Assembleia Eleitu;
- Diskusaun no Aprovasaun Rezimentu Kongressu no Estatuto AAFTL;
- Eleisaun ba Orgaun Juridiku no Ezekutivu;
- Tome Posse ba Estrutura Eleitu;
- Diskursu husi Presidente Eleitu Assosiasaun Arbitrajen Futebol Timor-Leste;
- Taka husi Sekretariu Jeral FFTL, Sr. Gregorio Correia.
Kongressu ne hetan partisipasaun maximu husi Membru Assosisaun Arbitrajen Futebol Timor-Leste hanesan Koordenador Arbitrajen Futebol Asosiasaun Munisipiu Sanolu Resin Ha’at(14), Instrutor sira, Arbitru Futsal, Reprezentante Arbitru Futebol Nivel FIFA-AFF. Hetan mos observasaun husi Parte FFTL mak Sra. Zelfa Beatvi nudar Legal FFTL no Adjuntu Komite Disciplinario no Etika FFTL, Sr. Rui A. Mendonca. Nomos, reprezentante husi Membru Komite Ezekutivu, Sra. Engrancia Pimentel Fernandes.
Iha Kongressu ne’e, Kongressista sira hamosu pakote uniku ne’ebe lidera husi Sr. Nivio da Costa Fernandes ho ninia membru sira. Total Kongressista sanolu resin hitu(17) hili unanimidade ba pakote refere hodi lidera asosiasaun arbitrajen futebol Timor-Leste termu 2024-2028.
